சி.பி.எஸ்.இ. 12ம் வகுப்பு மாணவர்களுக்கான மதிப்பெண் பட்டியல் வெளியீடு: 10, 11ம் வகுப்பு மதிப்பெண்களில் கணக்கீடு !
இதையடுத்து சிபிஎஸ்இ பிளஸ் 2 மதிப்பெண்கள் இன்று பிற்பகல் 2 மணிக்கு வெளியிடப்படும் என்று அறிவிக்கப்பட்டுள்ளது. 10, 11ம் வகுப்பு மதிப்பெண்களில் இருந்து விகிதாச்சார அடிப்படையில் பிளஸ் 2 மதிப்பெண்கள் கணக்கீடு செய்யப்பட்டுள்ளது. மதிப்பெண்களில் திருப்தியில்லாத மாணவர்கள் பின்னர் நடக்கும் தேர்வில் பங்கேற்கலாம் என ஏற்கனவே அறிவிக்கப்பட்டுள்ளது.
மேலும், 10, 11ம் வகுப்புகளில் பெற்ற மதிப்பெண்களில் 30 சதவீதம், 12ம் வகுப்பில் நடந்த தேர்வில் 40 சதவீதம் கொண்டு மதிப்பெண் கணக்கீடு செய்யப்படுகிறது. பிளஸ் 2 மதிப்பெண்களை மாணவர்கள் இணையதளம் மூலமோ அல்லது அந்தந்த பள்ளிகளிலோ அறிந்து கொள்ளலாம் என்று தெரிவிக்கப்பட்டுள்ளது.
சி.பி.எஸ்.இ. பிளஸ் 2 தேர்வில் 99.37 சதவீதம் மாணவர்கள் தேர்ச்சி பெற்றுள்ளதாக அறிவிக்கப்பட்டுள்ளது. சி.பி.எஸ்.இ. தேர்வில் மாணவர்கள் 99.13 சதேவீதமும், மாணவிகள் 99.67 சதவீதமும், மூன்றாம் பாலினத்தவர் 100 பேரும் தேர்ச்சி பெற்றுள்ளனர். 10, 11ம் வகுப்பு மாணவர்களுக்கான மதிப்பெண் சான்றில் ஆல் பாஸ் என குறிப்பிட்டு சான்றிதழ் வழங்க பள்ளிக்கல்வித்துறை உத்தரவிட்டுள்ளது.